Amodau a rheolau

Cyffredinol

  1. Oed cystadlu:
    1. Rhaid i’r cystadleuwyr fod yn y flwyddyn ysgol a nodir ar ddiwrnod yr eisteddfod (23 Ionawr 2027).
    2. Rhaid i’r cystadleuwyr fod o fewn yr oedran cystadlu ar ddiwrnod yr eisteddfod (23 Ionawr 2027).
    3. Does dim cyfyngiad oedran ar y cystadlaethau agored.
  2. Cymraeg yw iaith yr eisteddfod.
  3. Bydd bar yn gwerthu alcohol yn ystod yr eisteddfod. Ni fyddwn yn gwerthu alcohol i unrhyw un o dan 18. Byddwn yn herio a gofyn i weld prawf o oedran unrhyw un y tybiwn a allai fod yn iau na 25 oed.
  4. Ni thelir costau teithio cystadleuwyr.
  5. Bydd ffotograffwyr yn yr eisteddfod ac yn tynnu lluniau a fideos. Os nad ydych am i ni dynnu eich llun neu lun eich plentyn, rhowch wybod i aelod o’r pwyllgor.

Cystadlaethau gwaith cartref Eisteddfod Caerdydd 2027

  1. Rhaid i geisiadau cystadlaethau gwaith cartref gyrraedd erbyn diwedd dydd Sul 13 Rhagfyr 2026.
  2. Dylech ddefnyddio'r porthol cystadlu i gyflwyno eich gwaith cartref i ni.
  3. Mae croeso i chi gystadlu hyd at ddwy waith ym mhob cystadleuaeth. Mae'n rhaid cyflwyno pob ymgais ar wahân o dan ffugenw gwahanol bob tro.
  4. Os na fyddwch yn gallu defnyddio'r porthol, gallwch anfon e-bost at cystadlu@eisteddfodcaerdydd.cymru:
    1. dylech gynnwys y wybodaeth ganlynol ar frig eich ymgais:
      1. eich ffugenw
      2. rhif a theitl y gystadleuaeth
      3. nifer y geiriau neu’r llinellau os yn berthnasol
    2. yng nghorff yr e-bost dylech gynnwys:
      1. eich enw
      2. manylion pa gystadlaethau yr ydych wedi ymgeisio ynddynt, gan gynnwys y ffugenwau yr ydych wedi eu defnyddio ar gyfer pob ymgais
      3. manylion cyswllt yr ymgeisydd:
        1. rhif ffôn
        2. cyfeiriad e-bost
        3. cyfeiriad cartref (ar gyfer unrhyw wobr)
      4. yn achos cystadlaethau i blant oed uwchradd, cynradd, a thlws yr ifanc, dylid cynnwys oed yr ymgeisydd a'r ysgol y maent yn ei mynychu
  1. Ar gyfer cystadlaethau ffotograffiaeth:
    1. dylech gynnwys y wybodaeth ganlynol yn enw'r ffeil:
      1. eich ffugenw
      2. rhif y gystadleuaeth a theitl y gystadleuaeth
    2. yn y prif e-bost, dylech gynnwys:
      1. eich enw
      2. manylion pa gystadlaethau yr ydych wedi ymgeisio ynddynt, gan gynnwys y ffugenwau yr ydych wedi eu defnyddio ar gyfer pob ymgais
      3. manylion cyswllt yr ymgeisydd:
        1. rhif ffôn
        2. cyfeiriad e-bost
        3. cyfeiriad cartref (ar gyfer unrhyw wobr)
      4. yn achos cystadlaethau i blant oed uwchradd a chynradd dylid cynnwys oed yr ymgeisydd a'r ysgol y maent yn ei mynychu
    3. nodwch mai dim ond un ffotograff y dylid ei gyflwyno ar gyfer pob ymgais, ond mae croeso i chi ymgeisio fwy nag unwaith
  1. Yn dilyn yr eisteddfod byddwn yn cyhoeddi'r darnau buddugol yn Y Dinesydd. Os nad ydych am i’ch cais gael ei gynnwys, rhaid i chi roi gwybod i ni pan fyddwch yn cyflwyno’r cais.
  2. Ni fydd manylion yr ymgeisydd yn cael eu rhannu gyda’r beirniad.
  3. Os ydych yn athro sy'n dymuno cyflwyno ceisiadau ar ran eich disgyblion (nifer o geisiadau ar gyfer un neu nifer o gystadlaethau), cysylltwch â ni i drefnu mynediad arbennig i'r porthol, i hwyluso hyn.
  4. Ni chaniateir cyflwyno’r un darn mewn mwy nag un gystadleuaeth.

Llwyfan

  1. Disgwylir i chi gofrestru i gystadlu ymlaen llaw drwy lenwi ffurflen ar-lein. Rhaid cofrestru erbyn dydd Sul 10 Ionawr 2027.
  2. Os ydych wedi cofrestru ac yn methu cystadlu bellach, dylech gysylltu â’r eisteddfod drwy e-bostio cystadlu@eisteddfodcaerdydd.cymru cyn gynted â phosib.
  3. Os bydd mwy na 5 yn ymgeisio i gystadlu mewn unrhyw gystadleuaeth unigol, cynhelir rhagbrofion.
  4. Fel arfer, 3 chystadleuydd unigol fydd yn ymddangos ar y llwyfan.
    1. Gall y beirniaid ddewis rhoi hyd at 5 ar y llwyfan.
    2. Bydd pob grŵp neu gôr yn cael cystadlu ar y llwyfan.
  5. Cynhelir y rhagbrofion yn Ysgol Glantaf ar ddiwrnod yr eisteddfod. Bydd y manylion yn cael eu rhannu mewn da bryd.
  6. Mae rhaid i chi ddarparu copi electronig o’ch darnau ar gyfer y beirniaid a’r cyfeilyddion. Ewch i'r Porthol Cystadlu i gofrestru ac i lwytho'ch copi. Gallwch ychwanegu copi ar ôl cofretstru. Gallwch gysylltu os ydych yn cael trafferthion.
  7. Ni chaniateir cystadlu yn unigol mwy nag unwaith mewn unrhyw gystadleuaeth.
  8. Bydd cyfeilyddion swyddogol ar gael i ymgeiswyr eu defnyddio.
    1. Os ydych am ddefnyddio cyfeilydd swyddogol, bydd rhaid i chi gyflwyno copi cyfeiliant o’r darn ymlaen llaw. 
    2. Caniateir i ymgeiswyr ddod â’u cyfeilyddion eu hunain.
  9. Bydd barn y beirniad yn derfynol ym mhob achos.
  10. Mae’r beirniad yn cadw’r hawl i rannu neu atal gwobrau.
  11. Ni chaniateir gwneud gwrthdystiad cyhoeddus yn yr eisteddfod. Dylid anfon unrhyw wrthdystiad neu gŵyn yn ysgrifenedig at ysgrifennydd yr eisteddfod. Bydd barn y pwyllgor yn derfynol.
  12. Mae’r pwyllgor yn cadw’r hawl i dynnu cystadleuaeth oddi ar y rhaglen.
  13. Ni fydd y pwyllgor yn gyfrifol am unrhyw ddamwain na cholled all ddigwydd yn ystod, neu o ganlyniad i’r eisteddfod.
  14. Rhoddir beirniadaeth fer ysgrifenedig i holl gystadleuwyr y llwyfan. Bydd hon ar gael ar ddiwrnod yr eisteddfod, allwn ni ddim sicrhau cadw beirniadaethau ar ôl yr eisteddfod, felly cyfrifoldeb y cystadleuydd yw casglu'r feirniadaeth o fwrdd yr ysgrifenyddion ar y diwrnod.
  15. Mae’n anghyfreithlon llungopïo unrhyw ddarn o gerddoriaeth.
  16. Cyfrifoldeb y cystadleuwyr yw sicrhau hawlfraint unrhyw ddarn o gerddoriaeth.

Dysgwyr

  1. Cynradd: Dysgwyr yw cystadleuwyr nad ydynt wedi/yn dilyn rhaglen astudio Cymraeg yng nghyfnodau allweddol 1 a 2, ond, os ydynt yn hwyrddyfodiaid di-Gymraeg mewn ysgol lle mae mwyafrif y disgyblion yn astudio trwy gyfrwng y Gymraeg caniateir iddynt gystadlu fel dysgwyr am eu tair blynedd gyntaf yn yr ysgol.
  2. Uwchradd: Dysgwyr yw’r cystadleuwyr hynny nad ydynt wedi/yn dilyn rhaglen astudio Cymraeg yng nghyfnod allweddol 1, 2 na 3. Caniateir hwyrddyfodiaid di-Gymraeg i gystadlu fel dysgwyr.
  3. Byddem yn gobeithio na fydd aelodau lle mae un rhiant yn y cartref yn gallu’r Gymraeg yn cystadlu fel dysgwyr.
  4. Caniateir aelodau oed cynradd sy’n symud i’r sector addysg cyfrwng Saesneg ar ôl cyfnod yn y sector cyfrwng Cymraeg i gystadlu fel dysgwr mewn cystadlaethau torfol i ddysgwyr yn unig.